Национальнай уус-уран му­­суой үһүс үлэһитигэр суут бириигэбэрэ таҕыста

Ааптар: 
Бөлөххө киир:

Эрдэ суруйбуппут курдук, былырыын СӨ Национальнай уус-уран му­­суойун дуоһунастаах үлэһиттэригэр «Түөкүннээһин» ыстатыйанан хо­­луобунай дьыаланы СӨ ИДьМ-тын Силиэстийэлиир управлениетын тэрээһиннээх бөлөҕүнэн оҥоһуллубут буруйдары силиэстийэлиир чааһын силиэдэбэтэллэрэ тэрийбиттэрэ.

edersaas.ru

Ол курдук, мусуой дириэктэрин финансовай-экономическай сайдыыга солбуйааччы, кадр отделын начаалынньыга уонна кылаабынай буҕаалтыра дуоһунастарын боломуочуйатынан туһанан, ый түмүгүнэн хамнас пуондатыттан ордубут харчыны бэйэ икки ардыгар үллэстэ сылдьыбыттара биллибитэ. Уопсайа 14 мөлүйүөн солкуобайтан тахса сууманы хорон сиэбиттэр.

Маны таһынан, бу үлэһиттэр үһүөн 2013 сыл сэтинньититтэн 2017 сыл ыам ыйыгар диэри кэмҥэ бэйэлэрин аймахтарын сымыйанан үлэҕэ ылбыт курдук оҥорон, кинилэр ааттарыгар түһэр харчыны бэйэлэригэр ыла сылдьыбыттар. Ол түмүгэр, 26 мөлүйүөн солкуобайтан тахса сууманы хорон сиэбиттэр. Инньэ гынан, барыта 40 мөл. солк. кэриҥэ суумалаах бүддьүөт харчытын сиэбиттэр.

Икки дьахтарга суут бириигэбэрдэрэ тахсыбыттара, буруйдарын толору билинэн, уопсай эрэсиимнээх хаайыыга ууруллубуттара – дириэктэри финансовай-экономическай сайдыыга солбуйааччы 1 сыл 8 ыйга, кадр отделын начаалынньыга 2 сылга.

Дьокуускай куорат федеральнай суутун пресс-сулууспата иһитиннэрбитинэн, дьыала үһүс фигураныгар — кылаабынай буҕаалтырга — суут бириигэбэрэ кулун тутар 20 күнүгэр тахсыбыт — 3 сылга уопсай эрэсиимнээх холуонньаҕа көҥүлүн быһарга диэн.

Бириигэбэр сокуоннай күүһүгэр киирэ илик.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0