СӨ Ил Дархана Айсен Николаев национальнай бырайыактары олоххо киллэриигэ судаарыстыбаннай хантараактары түһэрсиилэр кэмигэр ыытыллыбаттарын бэлиэтээтэ уонна бары биэдэмистибэлэр мэдиссиинэ тэрилтэлэригэр, оскуолаларга, ОДьКХ эбийиэктэригэр тэриллэри атыылаһан ылары түргэтэтэллэригэр соруйда.
—2022 сылга Саха сиригэр национальнай бырайыактары толорорго федеральнай бүддьүөттэн 55 млрд солк. көрүллүбүтэ. Итинник үптээх уонна өйөбүл миэрэлэрин ылан олорон, сорох бырайыактарга хаалыылар бааллар. Биричиинэлэр бааллар, ол гынан баран, олор үксүгэр үлэни тэрийии сыыһатыттан, уруккулуу сыһыантан уонна үлэ хаамыытын бытаардыыттан, — диэн бырабыыталыстыба чилиэннэригэр туһаайан Айсен Николаев эттэ.
Бырабыыталыстыба бэрэссэдээтэлин солбуйааччылар, миниистирдэр бэлиэтээбиттэринэн, уустуктар тутуу матырыйаалларыгар сыаналар ыараабыттарынан, омук табаардарын аҕалыы логистиката уларыйбытынан, ону сэргэ түһэрсиллибит дуогабардарга үлэни толорууга абаансанан төлөөһүн көрүллүбэтинэн, оттон төлөбүр хантараак толорулуннаҕына биирдэ төлөнөрүнэн үөскээбиттэр.
Айсен Николаев туспа социальнай эбийиэктэри тутууга хаалыыны уонна «Тыа сирин-уотун кэлимсэ сайыннарыы» судаарыстыба бырагырааматын олоххо киллэриигэ үлэ ситэтэ суоҕун бэлиэтээтэ.
Өрөспүүбүлүкэ былааһа үлэ саҕаланыытыгар хантараактар толоруллубат кутталларын туоратар туһуттан бырайыактыыр-сметнай документацияҕа ревизияны ыытыахтара, ону таһынан, «Тыа сирин-уотун кэлимсэ сайыннарыы» судаарыстыбаннай бырагыраама ирдэбиллэригэр эбийиэктэри сүүмэрдээн киллэрии киритиэрийдэрин хат көрүөхтэрэ. Бу уонна да атын боппуруостары эбийиэктэри тутуунан уонна саҥардан биэриини сүрүннүүр ыстаапка эбии көрүөхтэрэ.
Хаартыскаҕа Андрей Сорокин (СИА) түһэриитэ.
+1
+1
+1
+1
+1
+1
+1