Национальнай бырайыагынан 17 оҕо поликлиниката саҥа тэрилинэн хааччылынна

Доруобуйа харыстабылын миниистирэ Елена Борисова иһитиннэрбитинэн, өрөспүүбүлүкэ 17 оҕо поликлиникаларыгар 73 аныгы медицинскэй оборудование аҕалыллан, номнуо үлэҕэ киллэрилиннэ. Туһааннаах аппарааттар «Доруобуйа харыстабыла» национальнай бырайыак иитинэн атыылаһылыннылар.

Миниистир кэпсээбитинэн, ультразвуковой диагностика аппарааттара, офтальмологическай тэриллэр, электрокардиографтар,  компьютернай томографтар атыылаһыллыбыттар.

Ол курдук медицина тэрилинэн  «РБ №1 – НЦМ» ГАУ РС, Амматааҕы, Үөһээ Бүлүүтээҕи, Бүлүүтээҕи, Горнайдааҕы, Кэбээйитээҕи, Мэҥэ Хаҥаластааҕы, Намнааҕы, Ньурбатааҕы, Сунтаардааҕы, Тааттатааҕы, Уус Алданнааҕы, Усуйаанатааҕы, Хаҥаластааҕы, Чурапчытааҕы киин балыыһалар уонна Удачнайдааҕы, Айхаллааҕы балыыһалар хааччылыннылар.