Национальнай бибилэтиэкэ тэриллибитэ 97 сылын туолла

Бөлөххө киир:

Бүгүн Национальнай бибилэтиэкэ тэриллибитэ 97 сылын туолла. 1925 сыллаахха балаҕан ыйын 14 күнүгэр  Дьокуускайдааҕы национальнай бибилэтиэкэ тэриллибитэ.

Күн бүгүн “Пушкинка” Арассыыйа хотугулуу-илиҥҥи өттүгэр биир саамай улахан бибилэтиэкэлэр ахсааннарыгар киирсэр. Пуондатын ахсаана – 1,6 мөлүйүөн кинигэ. 50 тыһыынчаттан тахса бастайааннай ааҕааччылаах. Куорат олохтоохторо, устудьуоннар таптаан сылдьар сирдэрэ, билии ылар хараамнара буолар.

Бибилэтиэкэ информационнай, библиографическай, о.д.а. өҥөлөрү оҥорор, араас тэрээһиннэри ыытар. Пуонданы сыыппараҕа көһөрүү үлэтэ ыытыллар. Электроннай базаҕа билигин 68 тыһыынчаттан тахса докумуон баар.

1948 сыллаахха бибилэтиэкэҕэ Александр Пушкин аата иҥэриллибитэ. 1990 сылтан бибилэтиэкэ кини аатын сүкпэт эрээри, норуокка син биир “Пушкинка” диэн аатынан биллэр. Бу сылтан Национальнай бибилэтиэкэ диэн статуһу сүкпүтэ.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru.

+1
0
+1
0
+1
0
+1
0
+1
0
+1
0
+1
0