Национальнай бэчээт күнэ бэчээт дьыалатыгар сыһыаннаах дьону сомоҕолуур

Бу маннык санаатын тиэртэ бүгүн, от ыйын 1-кы күнүгэр, бырабыыталыстыба бэрэссэдээтэлин солбуйааччы Сергей Местников иһитиннэрэр-биллэрэр тиһиктэр уонна бэчээттиир кыһалар бэрэстэбиитэллэригэр  наҕараадалары туттарар кэмигэр.

Национальнай бэчээт күнүн бэлиэтиир ыйаахха Ил Дархан Айсен Николаев  2020 сыллаахха илии баттаабыта. Ол иһин бырааһынньыгы бэлиэтээһин сыстыганнаах дьаҥынан сибээстээн, куйаар ситиминэн ыытыллыбыта.
Сергей Местников саха бэчээтин устуоруйатын холобурдаан туран, аныгы сайдыылаах технология муҥутуурдук сайдыбыт кэмигэр саха бэчээтин бородууксуйата эрэгийиэн социальнай-экономическэй, культурнай-сырдатар сайдыытыгар дьоһуннаах кылаатын киллэрэрин бэлиэтээтэ.

Елена ПОТОЦКАЯ, «Саха сирэ хаһыат, edersaas.ru