Национальнай бырайыагынан массыына суолларын өрөмүөннээһин үлэтэ ыытыллар

Бу күннэргэ «Управление автомобильных дорог РС(Я)» ГКУ, «Вилюй» ФКУ уонна Норуот фронун регионнааҕы ыстааба «Куттала суох уонна хаачыстыбалаах массыына суоллара» национальнай бырайыагынан өрөмүөннэнэр регионнааҕы суоллары көрдүлэр-иһиттилэр.

edersaas.ru

Бастатан туран, хамыыһыйа Уус Алдан улууһугар үлэлээтэ. Манна «Бороҕон» уонна «Мүрү» суолларыгар өрөмүөн үлэтэ ыытыллар.

Кангаласс — Бороҕон хайысхатынан өрөмүөн үлэтэ 2019 сылтан ыытыллар.

«СУ-77» ХЭТ суолу бөтоннааһын уонна уу сүүрэр лотоктарын уура сылдьар. «Управление автомобильных дорог РС(Я)» ГКУ дириэктэрин солбуйааччыта Семен Сметанин этэринэн, быйыл бу учаастакка 85 мөл. солк. көрүллүбүт. Уопсайа ааспыт сыллааҕы үлэлэри кытары 139 мөл. солк. тыырыллыбыта.

Бу сыл алтынньытыгар Майа — Төҥүлү — Бороҕон хайысхатынан (138+000 — км 150+510) өрөмүөн үлэтэ түмүктэниэхтээх. Бу эбийиэккэ хантараак үбэ-харчыта 103,36 мөл. солк. тэҥнэһэр.

Салгыы хамыыһыйа Уолба — Булун — нефтебаза хайысхатынан Таатта улууһугар үлэлээтэ. Манна «Тааттаавтодор» АУо үлэлиир. Национальнай бырайыак иитинэн 61 мөл. солк көрүллүбүтэ.

Хамыыһыйа үлэтин түмүгүнэн кыра алҕастар баалларын бэлиэтээтэ. Ортотунан үлэлэр былаан быһыытынан баран иһэллэр.

edersaas.ru