Бэҕэһээ Мадридка буолбут Хотугу Атлантика саммитыгар НАТО стратегическэй суолталаах концепциятын ылыннылар. Докумуоҥҥа НАТО Арассыыйаны биһиэхэ кутталы үөскэтэр сүрүн дойдубут диэн бэлиэтээтэ.
“Арассыыйа биһиэхэ уонна биһиги биир санаалаах дойдуларбытыгар кутталы үөскэтэр дойду. Ону ааһан евроатлантическай эргимтэ туруктаах буолуутун харгыстыыр диэн концепцияларыгар суруллар”, – диэн иһитиннэр “RT” телеканал.
Бу иннинэ РФ тас дойдулар дьыалаларыгар миниистири солбуйааччы Сергей Рябков Хотугу Атлантика эргимтэтин дойдуларын концепциятыгар биһиги дойдубутун сүрүн утарылаһааччы курдук суруйар былааннаахтарын туһунан иһитиннэрэн турар. Ону сэргэ кини Арассыыйа бэйэтин кыраныыссатын көмүскүүрүгэр, нэһилиэнньэҕэ куттал суох буолуутун хааччыйыыга туох баар миэрэлэри барытын ылыныаҕын туһунан иһитиннэрбитэ.
Аграфена КУЗЬМИНА