Өрөспүүбүлүкэтээҕи катастрофа мэдиссиинэтин киинин кылаабынай бырааһын солбуйааччы Наталья Слепцова бу чааска быһа сибээскэ таҕыста.
edersaas.ru
Быһа сибээскэ: «Катастрофа мэдиссинэтигэр үлэлиэн баҕарар киһи ханна туох идэни ылыан сөбүй?» диэн ыйытыыттан саҕаланна. Наталья Слепцова онуоха маннык хоруйу биэрдэ:
— Катастрофа мэдиссиинэтигэр каадыры бэлэмнээһиҥҥэ саҥа ирдэбил турда. 2021 сылтан аккредитация ирдэниллэр. Устудьуоннар үөрэхтэрин бүтэрэн баран, интернатурата суох учаастактааҕы педиатр, терапевт бырааһынан үлэлиэхтэрин сөп. Урут интернатура ирдэнэр этэ. Доруобуйа харыстабылын министиэристэбитин бирикээһигэр олоҕуран, катастрофа мэдиссиинэтигэр бастакы уонна үрдүк категориялаах эрэ быраастары үлэҕэ ылабыт.
«Хамнаскыт төһөнүй? — диэн ыйытыыга салайааччы: «Быһа холуйан 80 тыһ. солк.» — диэн хоруйдаата.
«Пандемия кэмигэртөһө сыстыганнаах дьону эвакуациялаатыгыт?» диэн ыйытыга Наталья Слепцова: 236 көтүүнү оҥорон, 428 коронавируһунан сутуллубут киһини киин куоракка аҕаллыбыт. Хомойуох иһин, күн бүгүҥҥэ диэри суһал көтүүлэри оҥоро олоробут. Үксэ ыарахан туруктаах дьону аҕалабыт», — диэн хоруйдаата быраас.
Елена ПОТОЦКАЯ, «Саха сирэ» хаһыат, edersaas.ru