Наталья Руфова «Хатастардыын алтыһар»

Бөлөххө киир:

Кулун тутар 27 күнүгэр хас да кинигэ ааптара, Хатастааҕы «Тускул» Култуура киинин исписэлииһэ Наталья Руфовалыын көрсүһүү буолла.

edersaas.ru

Бу күн Хатас Панаев аатынан бибилэтиэкэтигэр Наталья Ивановна Руфова- Балааҕыйа баайа Барахсаана «Хатастардыын алтыһыахха» диэн кинигэтин 2-с, 3-с томнарын сүрэхтээһин буолла.
Кинигэҕэ Хатас араас эйгэлээх кэрэхсэнэр дьонун-сэргэтин олохторун хомоҕойдук сырдаппыт. Кинигэ тула бэрт истиҥ сэһэргэһии таҕыста. Кэлбит дьон ааптар Хатас нэһилиэнньэтин сэргэхситэр, киэҥ ис хоһоонноох, элбэх хайысхалаах, сүдү суолталаах үлэтин үрдүктүк сыаналаатылар. Кини дьону түмэр дьоҕурун, ылыммыт үлэтигэр дьулуурун, айылҕаттан бэриллибит суруйар талаанын, дьүһүйэр тыла-өһө баайын сөҕө-махтайа бэлиэтээтилэр, дириҥ махталларын, киэн туттууларын биллэрдилэр.
Ытыктыыр киһилэригэр өссө да үрдүктэн үрдүк ситиһиилэри, бигэ туругу, баҕардылар. Айар тутар аартыккынан астына-дуоһуйа, дьоллоно уонна дьону дьоллуу инниҥ диэки эрэллээхтик хардыылаан ис, күндү Наталья Ивановна!

«Саха сирэ», edersaas.ru сайтка анаан Валентина КОМИССАРОВА-Күлүмүрэ

+1
0
+1
0
+1
0
+1
0
+1
0
+1
0
+1
0