Наркотигы тарҕатаары Саха сиригэр анаан кэлбит киһини туттулар

30.10.2020
Бөлөххө киир:

Саха сиригэр синтетическэй наркотигы тарҕатар соруктаах 21 саастаах Норильск олохтооҕо анаан кэлбит. Саха сирин полицейскайдара быһа түһэн, бу киһини туттулар.

Суһал көрдөөһүн түмүгүнэн, ИДьМ 3-с №-дээх полиция салаатын холуобунай ирдэбилин үлэһиттэрэ суһаллык хамсанан туттулар. Бу киһи Норильск куораттан анаан кэлэн, социальнай ситимҥэ интэриниэт маҕаһыын арыйбыт.

Эрдэттэн наркотигы тарҕатыынан дьарыктанар бөлөххө кыттыспыт. Буруйдааҕы тутан, олорбут гостиницатыттан синтетическэй наркотиктары буллулар. Арассыыйа Федерациятын холуобунай кодексатын 30 ыстатыйатын 3-с «а,г» чаастарын, 228 ыстатыйатын 4-с чааһынан Норильск олохтооҕор силиэстийэлиир үлэ түмүктэннэ.

Буруйданааччы 20 сыл хаайыы болдьоҕор ууруллуон сөбүн туһунан ИДьМ пресс-сулууспата иһитиннэрдэ.

Ульяна Захарова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0