Холуонньаҕа буруйун боруостуу олорор киһиэхэ наркотик тиэрдэ сатаабыттарын туттулар.
Вера МАКАРОВА, «Саха сирэ» хаһыат, https://edersaas.ru/
Үөһээ Бэстээхтээҕи 3 №-дээх уопсай эрэсиимнээх холуонньаҕа олорор хаайыылаахха мал-сал аҕалбыт киһини бэрэбиэркэлээһин түмүгэр, кини сампуун флаконун иһигэр полимернай бакыакка наркотигы суулаабытын буллулар.
Экспертиза быһаарбытынан, бу өлбөөркөйдүҥү бороҥ өҥнөөх, 0,066 г ыйааһыннаах «спайс» синтетическэй наркотик эбит.
Бу чахчынан РФ Холуобунай кодексатын 228.1-с ыст. 2-с чааһынан холуобунай дьыала тэриллибитин туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Вера МАКАРОВА, «Саха сирэ» хаһыат, https://edersaas.ru/
Хаартыска: УФСИН пресс-сулууспата.