Дьокуускай куоракка ахсынньы 12 күнүгэр, күрүлүүр күнүс Сайсары оройуонугар «Тойота Лит Айс Ноах» массыына суол быраабылатын кэһэн, туора-маары айанныырын дьон көрбүт. Ону тута ГИБДД дьуһуурунай чааһыгар эрийэн биллэрбиттэр.
СӨ ИДьМ-тын ГИБДД пропагандаҕа отдела иһитиннэрбитинэн, ол массыынаны ДПС иниспиэктэрдэрэ Ново-Карьернай уулуссаҕа көрөн тохтоппуттар. Суоппара өйдөөх, оттон олорсон иһээччитэ наркотиктан туймаарыйа сылдьара ала-бэлиэ эбит.
Бу киһиттэн полицейскайдар пакетиктарга суулана сылдьар хараҥа от күөҕэ өҥнөөх веществону булбуттар. Кинини РФ Холуобунай кодексатын 228-с ыстатыйатынан (наркотикка сыһыаннаах) көрүллэр буруй бэлиэтэ баарынан, полиция отделыгар быһаартара илдьибиттэр.
Бу чахчынан процессуальнай бэрэбиэркэ барар.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1