Намнары “Россия 24» телеханаалга көрдөрүөхтэрэ

Бөлөххө киир:

Нам улууһугар бу күннэргэ Москва куораттан  “Россия24” ханаал суруналыыстара кэлэн ыалдьыттаатылар. Устар бөлөх режиссера Алексей Михалев, оператордар Всеволод Киселев, Федор Беломестнов Саха сирин олоҕун-дьаһаҕын көрөөччү киэҥ эйгэтигэр көрдөрөр соруктаах уста кэлбиттэр.

Кинилэр Намнааҕы Олоҥхо дьиэтигэр сылдьан сахалыы иис-уус уратытын көрдүлэр. Салгыы Хатырык нэһилиэгэр сылдьан сылгыны үөрдээн иитэр Алексей Пинигиҥҥэ –Лонхо Уолугар ыалдьыттаан, Дьөһөгөй оҕотун туһунан билиһиннэриини, саха төрүт үгэһин тимири уһаарыыны көрдүлэр-иһиттилэр. Айар бөлөх салгыы улуус түгэх сытар Түбэ нэһилиэгэр айаннаабыттара. Онно тиийэн саха төрүт дьарыгын — сааскы муҥханы астына устубуттар. Манна нэһилиэктэн оҕолуун-уруулуун 50-ча киһи тахсан кыттыыны ылбыт. Нам улууһугар биир күн устата үс нэһилиэгинэн кэрийэ сылдьан устан, Саха сирин биир улууһун сэргэх олоҕун туһунан биэриини муус устарга көрдөрөрү былаанныыллар үһү.

Нам улууһун пресс-сулууспатын хаартыскалара туһанылыннылар.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0