Намнар сүөһүлэрин-сылгыларын куттала суох сирдэргэ таһаардылар
14.05.2020
Өлүөнэ өрүс көмүөлэ бу күннэргэ Нам улууһун сиринэн ааһар.
edersaas.ru
Онон сибээстээн хаһаайыстыбалар сүөһүлэрин-сылгыларын куттала суох сирдэргэ таһаардылар: сорохтору сайылыктарга көһөрдүлэр, сорохтору быстах хаайар пууннарга маныыллар. Холобур, Үөдэй нэһилиэгин олохтоохторо 1085 ынах сүөһүнү, 1226 сылгыны Тоҥ Бас, Мохсоҕоллоох, Сиэр Биэ, Арҕаа Сайылык, Арыылаах, Балыктаах сайылыктарыгар көһөрдүлэр. Партизаннар 873 ынах сүөһүнү, 129 сылгыны Чомоорко учаастагар таһаардылар. Өрүс сүнньүгэр сытар нэһилиэктэр бары бу курдук дьаһаннылар. Онон, улуус үрдүнэн барыта 12 519 ынах сүөһү уонна 12 900 баар буоллаҕына, 6478 ынах сүөһү уонна 5299 сылгы куттала суох сирдэргэ таһаарылынна диэн тыа хаһаайыстыбатын улуустааҕы управлениета иһитиннэрэр.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1