Нам улууһугар сүөһү ахсаанын үксэтиигэ былааннаах үлэ барар. Ол биир көрүҥэ — тастан ынаҕы аҕалыы.
edersaas.ru
Улуус дьаһалтатын пресс-сулууспата иһитиннэрбитинэн, бүгүҥҥү туругунан улууска ынах сүөһү ахсаана – 13196 төбө, онтон ыанар ынаҕа – 4280 төбө.
Хамаҕатта нэһилиэгин «Сэргэ» бааһынай хаһаайыстыба салайааччыта Владимир Герасимов быйыл «Российскай Федерация регионнарыттан племенной тыа хаһаайыстыбатын сүөһүлэрин ылыы» бырагырааманан Смоленскай уобалас Рыбки бөһүөлэгиттэн 2018 сыллаах төрүөх уулаах 40 симменталь боруода төбөнү аҕалла. Сүөһүлэр 13 күн айаннаан этэҥҥэ кэллилэр. Туруктара үчүгэй.
Улууска тыа хаһаайыстыбата сайдарыгар, сүөһү ахсаана элбииригэр – бу дьоһуннаах хардыы.
Елена ПОТОЦКАЯ, «Саха сирэ» хаһыат, edersaas.ru
Хаартыска — улуус дьаһалтатын пресс-сулууспата
+1
+1
+1
+1
+1
+1
+1