Нам улууһугар 27 быыбардыыр учаастак сарсыарда 8 чааска куоластааччыларга ааннарын тэлэччи аһан, тигинэччи үлэлиир.
edersaas.ru
Улуустааҕы быыбардыыр хамыыһыйа салайааччыта Майя Софронова иһитиннэрбитинэн, күнүс 12 чаастааҕы туругунан, улууска 8 387 киһи (52,98 %) куоластаабыт.
Саастаах дьону, тыыл бэтэрээннэрин дьиэлэринэн сыдьан куоластаттылар.
Нэһилиэктэргэ тэриллибит быыбардыыр учаастактарга дьон РФ Төрүт Сокуонугар уларытыыларга куоластаан, санааларын биллэрэллэр.
— Хаһан да буоларын курдук, Нам улууһун олохтоохторо куоластааһыҥҥа көхтөөхтүк кытталлар, — диэн бэлиэтиир улуустааҕы пресс-сулууспа үлэһитэ Лариса Тимофеева.
Елена ПОТОЦКАЯ, » Саха сирэ» хаһыат, edersaas.ru
Хаартыска — Лариса Тимофеева тиксэриитэ.
+1
+1
+1
+1
+1
+1
+1