Намнар Илья Винокуров үбүлүөйдээх сылыгар бэлэмнэнэллэр

10.12.2020
Бөлөххө киир:

Нам улууһугар кэлэр 2021 сыл биир дойдулаахпыт, уһулуччулаах государственнай уонна политическай деятель Илья Егорович Винокуров төрөөбүтэ 125 сылын бэлиэтиир үбүлүөйдээх сылыгар аналлаах тэрээһиннэргэ бэлэмнэнии үлэ тэтимнээхтик барар.


Ил Дархан Айсен Николаев 2019 сыл балаҕан ыйын 13 күнүгэр Илья Винокуров Саха сиригэр государственность, норуот хаһаайыстыбата, доруобуйа харыстабыла, үөрэхтээһин уонна культура сайдыытыгар улахан өҥөтүн учуоттаан 2021 сылга республикаҕа үбүлүөйдээх тэрээһиннэри ыытар уонна тэрийэр комитеты аныыр туһунан дьаһал таһаарбыта.

Ахсынньы 8 күнүгэр улуус тэрийэр хамыыһыйатын сүбэ мунньаҕа буолан ааста.
Мунньахха улуус баһылыга Юрий Слепцов үбүлүөйдээх тэрээһин үлэтин хаамыытын билистэ, былаан чэрчитинэн сүрүн соруктары туруорда.

Республикаҕа эрэ буолбакка бүтүн Союзка биллэр, норуотун туһугар олоҕун анаабыт, киэн туттар биир дойдулаахпыт Илья Егорович Винокуров үбүлүөйдээх сыла үрдүк таһымҥа ыытылларын ситиһэр, үтүө аатын, үлэтин-олоҕун үйэтитэр, сырдатар сыаллаах үлэлэр салгыы ыытыллаллар.

«Нам улууһа» МТ пресс-сулууспата

+1
0
+1
0
+1
0
+1
0
+1
0
+1
0
+1
0