Саха сирин кэккэ улуустарыгар ойуурга турбут уоту кытта туруулаһаллар. Олохтоохтор күөх суугун тыаларыгар турбут баһаары умулларыыга күүстэрэ кыайарынан баҕа өттүлэринэн сылдьаллар. Сорохтор умулларааччылары аһынан-үөлүнэн, туттар тэрилинэн хааччыйыыга көмөлөһөллөр.
Нам улууһугар баһаар туран, Фрунзе, Көбөкөн, Таастаах, Салбаҥ нэһилиэктэригэр уот куттала суоһуур. Араас тиэхиньикэ, элбэх киһи уоту умуруорууга үлэлиир. Биир сүрүн күүһүнэн нэһилиэнньэ аһынан-үөлүнэн, туттар тэрилинэн, харчынан көмөтө буолар.
Бу көмөнү иилиир-саҕалыыр туһуттан Намнааҕы бибилэтиэкэҕэ ыстаап тэриллэн үлэлиир. Манна Фрунзеттан, Көбөкөнтөн, Таастаахтан, Салбаҥтан төрүттээх дьон баҕа өттүлэринэн аҕалан туттараллар. Намнар маладьыастар!
Бэлэмнээтэ Женни Стрюкова
Хаартыска: Намтан ыыттылар.