Нам улууһун llХомустаах баһылыга Лев Новгородов конституция туһунан санаатын үллэстэр
Нам улууһун ll Хомустаах нэһилиэгин баһылыга Лев Новгородов бу уларыйыахтаах төрүт сокуон туһунан санаатын үллэстэр:
— Мин билэрбинэн, бу уларыйыахтаах Конституцияҕа 206 уларыйыы баар. Аныгы олох тэтиминэн туох барыта саҥардыллыахтаах, тупсуохтаах. Конституция 1993 сылтан ыла уларыйа илик. Онон сүүрбэлии-отуттуу сыл буола-буола сайдыы кэскилин иннигэр Конституция уларыйан, олох оҥкулугар сөп түбэһиэхтээх дии саныыбын. Онон бу саҥа ылыллыахтаах Конституция үгүс эйгэ хайысхаларын чопчулуохтаах. Саҥа Конституцияҕа парламент былааһа киирэн, элбэх киһи биир остуолга олорон ырыппыт этиилэрэ оруннаах буолуоҕа.
Сахам дьоно, саҥа уларыйыылартан куттаммакка, эрэллээхтик хааман иһиэххэ диэн этэбин. Онон от ыйын 1 күнүгэр сөптөөх быһаарыныы ылыахпыт диэн эрэнэбин!
Ульяна Захарова., edersaas.ru
+1
+1
+1
+1
+1
+1
+1