Нам улууһун Көбөкөнүгэр саҥа бааржа кэллэ

Ааптар: 
Бөлөххө киир:

Нам улууһун өрүс нөҥүө сытар Көбөкөн нэһилиэгэр үөрүүлээх түгэн буолла — өр күүппүт, Бырабыыталыстыба сыллааҕы үлэтин отчуоттуур мунньахтарыгар сыл аайы туруорсубут, ыра санаа оҥостубут баҕалара туолла.

edersaas.ru

Ол курдук,  атырдьах ыйын 11 күнүгэр саҥа бааржа кэллэ. Эргэ суудуналара отуттан тахса сыл сулууспалаата. Саҥа бааржа Көбөкөн, Арбын, Фрунзе нэһилиэктэрин хааччыйыаҕа. Олохтоохтор астарын-таҥастарын, тутуу матырыйаалларын таһалларыгар улахан көмө буолуоҕа.

Бааржаны көрсүү тэрээһинигэр улуус баһылыга Юрий Слепцов, Заречнай уокурук дьокутаата, «Намкоммунтеплоэнерго» ХЭТ генеральнай дириэктэрэ Николай Игнатьев, Көбөкөн нэһилиэгин баһылыга Дмитрий Бугаев, Арбын нэһилиэгин баһылыга Борис Бугаев, Фрунзе нэһилиэгин баһылыга Роман Трофимов эҕэрдэ тылларын тиэртилэр, үөрүүлэрин үллэһиннилэр.

Бааржа кыраапыгынан сылдьарыгар, кэлии-барыы хаһан да харгыстамматыгар баҕардылар. Саҥа бааржа өр сулууспалаатын, өрүс нөҥүө нэһилиэктэрбит сайдалларыгар төһүү күүс буоллун диэн Нам улууһун дьаһалтатын пресс-сулууспата иһитиннэрэр.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0