Нам улууһугар Улуу Кыайыыга туһуламмыт сыллары арыйыы буолла

Ааптар: 
Бөлөххө киир:

Нэдиэлэ саҥатыгар Нам улууһун киинигэр Нам сэлиэнньэтигэр А.Ф. Шестаков аатынан Норуот айымньытын дьиэтигэр Арассыыйаҕа — Өйдөбүнньүк уонна Албан аат, Саха сиригэр — Патриотизм, Нам улууһугар Ытык өйдөбүл уонна Көлүөнэни утумнааһын сылларын үөрүүлээхтик арыйыы буолла.

edersaas.ru

Тэрээһин Арассыыйа уонна Саха сирин өрөгөйүн ырыаларынан саҕаланна. Ол кэнниттэн Аҕа дойду улуу сэриитин хорсун буойуннарыгар аналлаах «Ийэ дойду ыҥырар!» инсталляция көһүннэ. 2 №-дээх орто оскуола 9-с «б» кылааһын оҕолоро  «Кинилэр сүрэхтэрин сэрии тоҥсуйбута…» диэн литературнай композиция көрдөрдүлэр. Бу театрализованнай көcтүү үгүс киһини долгутта.

Үөрүүлээх аһыллыы биир сүрүн түгэнинэн үөрэхтэригэр уһулуччу ситиһиилэрдээх, оскуола киэн туттар үөрэнээччилэрэ Радомир Бочкарев, Денис Олесов уонна Александр Бочкарев Кыайыы кыһыл Знамятын киллэриилэрэ буолла. Бэйэлэрин эҕэрдэ, махтал тылларын улуус баһылыга Юрий Слепцов, улуус дьокутааттарын сэбиэтин бэрэссэдээтэлэ  Иван Попов, Ленскэй нэһилиэк баһылыга Андрей Новгородов, улуус бэтэрээннэрин сэбиэтин салайааччыта Софья Кобякова, тыыл бэтэрээнэ, СӨ тыатын хаһаайыстыбатын үтүөлээх үлэһитэ, Нам улууһун Ытык киһитэ Дмитрий Аргунов уонна ыччат түмсүүтүн  салайааччыта Виталий Евсеев эттилэр.

Улуус дьаһалтатын пресс-сулууспата иһитиннэрбитинэн, бары нэһилиэктэргэ быйылгы сылга Улуу Кыайыы 75 сылыгар туһаайыллыбыт араас тэрээһиннэр ыытыллыаҕа.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0