РФ Бэрэсидьиэнэ Владимир Путин сорудаҕынан дойдуга социальнай гаастааһын үлэтэ көхтөөхтүк ыытыллар. Саха сиригэр социальнай гаастааһын бырайыага 5,4 млрд. солк. сыаналанар.
Биһиги өрөспүүбүлүкэбитигэр маннык социальнай бырайыагы “Сахатранснефтегаз” АУо ыытар. Бу бырагыраама 2023 сылга диэри барыахтаах. Социальнай гаастааһын бырагыраамата Нам улууһугар хайдах ыытыллан иһэрин туһунан дьаһалта пресс-сулууспата:
— Бүгүҥҥү туругунан Нам улууһугар уопсайа 83 сайаапка киирбититтэн, 20 дуогабар түһэрсилиннэ. Киирбит сайаапкаларынан, бырайыактааһын кыраапыга оҥоһуллан, 2022 сыл бүтүөр диэри дьон-сэргэ түөлбэлээн олорор сирдэригэр, тэлгэһэӄэ, биитэр даачалаахтар түмсүүлэрин учаастактарын кырааныысатыгар диэри, дьонтон төлөбүр ылбакка эрэ, гаас ситимин тиэрдиэхтэрэ. Докумуон быһыытынан, гааһы киллэрии болдьоҕо дьиэ гаас ситимиттэн төһө ыраах турарыттан быһаччы тутулуктаах. Улууска туһааннаах бырагыраама олоххо киириитэ, улуус баһылыгын тус хонтуруолугар турар. Ол курдук, олунньу 7 күнүгэр, эппиэтинэстээх тэрилтэлэр, үлэһиттэр кыттыылаах мунньахха, сыал-сорук туруорулунна, — диэн иһитиннэрдилэр.
Санатан эттэххэ,“Сахатранснефтегаз” АУо, Саха сиригэр гаастааһыны киллэриигэ сүрүн оператор быһыытынан, бэйэтин сайтыгар SG.AOSTNG.RU социальнай гаастааһын туһунан сиһилии ырытыылаах саҥа салааны киллэрбитэ. Бу салааҕа социальнай гаастааһын бырагырааматын, онно хайдах кыттыахха сөбүн, ханнык улуустарга туох бырайыак баарын барытын сиһилии ааҕыахха сөп.