Нам улууһугар гаастааһыҥҥа үлэ былаан быһыытынан барар

Бөлөххө киир:

Бу күннэргэ  Нам улууһугар «Сахатранснефтегаз» АУо гааһы тарҕатыыга  управлениетын (УГРС) начальнига Антон Томскай салайааччылаах бөлөх кэлэн улуус баһылыга Юрий Слепцову, «Сахатранснефтегаз» АУо Намнааҕы эксплуатационнай  учаастагын начальнига Андрей Новгородовы, Хамаҕатта нэһилиэгин баһылыга Иван Максимовы уо.д.а кытта көрсөн мунньахтаатылар.

Антон Томскайы кытта бөлөххө производственнай отдел инженера Илларион Алексеев, юридическай отдел баайга-дуолга исписэлииһэ Василий Монастырев уонна бырайыактыыр, симиэтэ оҥорор  бюро исписэлииһэ Анатолий Петухов үлэлээтилэр.
Нам улууһун нэһилиэнньэтэ элбии турарынан, дьон-сэргэ саҥа чааһынай дьиэ туттан киириилэрэ элбээн, гаас боппуруоһа сытыытык турар.
Быйыл, 2022 сылга, Нам улууһугар гаастааһыҥҥа сүүс алта уон мөлүйүөн солкуобайдаах үлэ барара былааннанар.
Улуус баһылыга Юрий Иннокентьевич «Сахатранснефтегаз» АУо генеральнай директора Алексей Колодезниковы кытта эрдэ бу боппуруоска сөбүлэһиигэ  илии баттаһан тураллар.
Сүрүн үлэ Нам сэлиэнньэтин АГРС-тан Хамаҕаттаҕа диэри 4,6 км уһуннаах 250 дм иэннээх иккис утаҕы  тардыыга барыаҕа. Хамаҕатта нэһилиэгэр 40 лет Победы  уулуссаҕа 108 дм иэннээх утах 159 дм диэри уларыйара былааннанар.
Социальнай гаастааһын  бырагырааматын чэрчитинэн, гааһы босхо чааһынай дьиэ учаастагын кыраныыссатыгар диэри тиэрдии үлэтэ барыаҕа.
Ол курдук 2024 сылга диэри 400 тахса чааһынай дьиэҕэ гааһы киллэрии үлэтэ былааннанар.

«Нам улууһа» МТ пресс-сулууспата

+1
0
+1
0
+1
0
+1
0
+1
0
+1
0
+1
0