Нам улууһугар 3000 тахса киһи быһыыны ылла

Ааптар: 
Бөлөххө киир:

Бэс ыйын 15 күнүнээҕи  туругунан Нам улууһугар 3004 киһи, ол эбэтэр быһыы ылыан сөптөөх нэһилиэнньэ ахсааныттан – 21,5% киһи коронавирус утары быһыыны ылла. Бу намыһах көрдөрүү буолар.


Улуустааҕы киин балыыһа кылаабынай бырааһын солбуйааччыта Лидия Слепцова:
— Киһи коронавирус дьаҥыттан чэпчэкитик ыалдьан аһырыммыт буоллаҕына, киниэхэ үөскээбит антитела организмы көмүскүүр дьайыыны биэрбэт, онон киһи иккистээн ыалдьыан сөп. Чэпчэкитик ыалдьыбыт киһи 25% иккистээн ыалдьар түгэнигэр ыарыыны быдан ыараханнык ыалдьара бэлиэтэнэр.
Хас биирдии киһи өйдүөх тустаах — коронавируснай инфекция киһи ис органнарыгар, сүрэххэ, бүөргэ, быарга, тыҥаҕа улахан охсууну оҥорор.
Коронавирус дьаҥын утары быһыыны ылыы — ыарыыттан харыстаныы биир саамай эрэллээх ньымата буоларын умнумаҥ. Ыарыыттан сэрэтэр миэрэлэри тутуһан харыстанаргытыгар уонна вакцинация ыларгытыгар ыҥырабын.
Быһыыны Намнааҕы киин поликлиникаҕа (Тастах, Искра, Салбаҥ, Кыһыл Дэриэбинэ, Граф Биэрэгэ), 1 – Хомустахха (Үөдэй, Партизан), Хамаҕаттаҕа (Никольскай), Хатыҥ – Арыыга (Бөтүҥ), Хатырыкка (Маймаҕа, Модут), Түбэҕэ, Көбөкөҥҥө (Арбын, Фрунзе), 2 – Хомустахха ылыахха сөп.


«Нам улууһа» МТ пресс-сулууспата

+1
0
+1
0
+1
0
+1
0
+1
0
+1
0
+1
0