Тыа хаһаайыстыбата

Нам Таастааҕар саха сүөһүтүн иитэллэр

Былырыын Нам улууһун Таастааҕар Ил Дархан Айсен Николаев, СӨ тыа хаһаайыстыбатын министиэристибэтэ, улуус дьаһалтата уонна “Саха сүөһүтэ” генофонда хааһына тэрилтэни кытта «Туймаада Агрохолдинг» тэрилтэ өйөбүллэринэн, аныгылыы тутуулаах 100 төбө саха сүөһүтэ турар комплекс хотоно үлэҕэ киирбитэ.

Бүгүҥҥү күҥҥэ сорох сүөһүлэр эргэ хотоҥҥо тураллар. Кинилэри көһөрөн саха сүөһүтүн салгыы ууһатар туһуттан, 80 төбө турар саҥа хотон тутулла турар.

«Саха сүөһүтэ» генофонда хааһына тэрилтэ научнай стационар киин арыйан үлэлэтэр былааннаах. Ол курдук, 30 атыыр оҕуска анаан уонна үлэһиттэр олороллоругар, үлэлииллэригэр, чинчийиилэри оҥороллоругар туһааннаах дьиэлэр тутулла тураллар. Онон Таастаахтан 5 км тэйиччи сиргэ дьиҥ саха сөһүтүн ууһатар кыстык балаҕаннаах, хаһаайыстыбаннай тутуулардаах сайылыктаах тутуу сотору кэминэн түмүктэниэҕэ.

Тыа хаһаайыстыбатын министиэристибэтин үлэһиттэрэ сэтинньи саҕана Таастаахха сылдьан үлэ хаамыытын билистилэр.

Ульяна ЗАХАРОВА.

Нам улууһун пресс-сулууспатын хаартыскалара туһанылыннылар.

0
0
Telegram @edersaas20