Нам улууһугар быыбардааһын көхтөөхтүк бара турар. Улуус 13 нэһилиэгин баһылыгын уонна дьокутааттарын талаллар. Нам сэлиэнньэтин баһылыгар уопсайа түөрт хандьыдаат киирсэ сылдьар. Андрей Новгородов, Евтропий Тихонов, Николай Уваров уонна Николай Протопопов. Дьокутааттар сэбиэттэригэр 33 хандьыдаат киирсэр. Фаворит быьыытынан, Андрей Новгородовы сыаналыахха сеп. 
Егор Протопопов, Нам улууһун олохтооҕо, спортсмен:
— Мин бүгүн сарсыарда эрдэ куоласпын бэйэм хандьыдааппар биэрдим. Билигин «Нэлэгэр» куоластыыр учаастагар кэтээччиннэн олоробун. Нам улууһун олохтоохторо быыбарга көхтөөхтүк кытталлар диэн бэлиэтиир тустаахпын. Саха Өрөспүүбүлүкэтин олохтоохторун куоластааһыҥҥа көхтөөх кыттыыны ылын диэн ыҥырыам этэ. Дойдубут кэскилин биир сомоҕо буолан талыаххайын.
Николай Попов, «Саха сирэ» хаһыат, edersaas.ru