Ахсынньы 21 күнүн киэһэтигэр, Нам улууһун Таастаах нэһилиэгиттэн чугас гаас ситимэ умайбытын биллэрдилэр. Саахал тахсыбыт сиригэр суһал бөлөх үлэлии сылдьар.
«Сахатранснефтегас» ААУо диспетчерскэй сулууспата биллэрэринэн, саахал биричиинэтэ быһаарылла илик. Суһал бөлөх саахал тахсыбыт сиригэр тиийэн үлэлии сылдьар. Бүгүн ыарахан тиэхиньикэ биригээдэтэ барыаҕа.
«Сарсыарда гаас ситимигэр дабылыанньа түспүтэ биэлиэтэммитэ. Тута дабылыанньаны көннөрөр миэрэ ылыммыппыт»,- диэтилэр диспетчердэр.
Гааһы биэриини иккис уонна үһүс ситимҥэ холбообуттар.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1