Нам улууһун Партизан нэһилиэгэр “100 үтүө дьыала” аахсыйа бэрт тэрээһиннээхтик ыытылла турар.
Бу туһунан биһиги уопсастыбаннай кэрэспэдьиэммит Полина Скрябина иһитиннэрэр:
— “Бүгүн, өрөбүл күн, нэһилиэк баһылыга Алексей Зырянов Дьокуускай куорат “Цетральнай” киинэ тыйаатырыгар быйыл оскуоланы бүтэрээччилэргэ анаан босхо билиэти бэлэх уунан,
оҕолорбут дьиэлэригэр сүргэлэрэ олус көтөҕүллэн кэллилэр”, — диэн төрөппүттэр нэһилиэкпит батсаап бөлөҕөр истиҥ махталларын биллэрдилэр.
Кырдьык, сырдык санаанан салайтаран оҥоһуллубут үтүө дьыала умнуллубат өйдөбүлү хааллар буоллаҕа. Нэһилиэкпит баһылыга биир дойдулаахтарыгар ити курдук бэртээхэй холобуру көрдөрдө.
Елена ПОТОЦКАЯ, “Саха сирэ” хаһыат, edersaas.ru
Хаартыска – Полина Скрябина тиксэриитэ.
+1
+1
+1
+1
+1
+1
+1