Бэҕэһээ, от ыйын 7 күнүгэр, Никольскай нэһилиэгэр үөрүүлээх түгэн буолла. «Ветхое жилье» бырагырааманан тутуллар, тупсаҕай бырайыактаах 2 кыбартыыралаах саҥа дьиэ таас дьиэ тутуута саҕаланна.
Бу үөрүүлээх тэрээһиҥҥэ кыттыыны ыллылар: «Нам улуһа» МТ баһылыга Юрий Слепцов, Нам улууһун тутуутун управлениетын салайааччыта, Никольскай нэһилиэгин куратора Петр Эверстов, Никольскай нэһилиэгин депутата Григорий Потапов, тутуу бэдэрээтчитэ Виталий Марков, саҥа тутуллар дьиэ хаһаайкалара Марфа Ядрихинская, Светлана Лукина.
Никольскай нэһилиэгин баһылыга Алексей Кривогорницын сахалыы сиэринэн сиэттэрэн, үйэ саас тухары турдун диэн алгыс тылын эттэ.
«Тутааччылар улэҕит үйэлээх буоллун, туппут эбийиэккит нэһилиэк биир кэрэ көстүүтэ буолуо диэн эрэнэбин! Дьоҥҥо-сэргэҕэ анаммыт тутуу өр сылларга туһалыы турдун, cаҥа дьиэҕэ куруутун ил уонна эйэ баар буоллун!» — диэн баҕа санаатын эттэ «Нам улуһа» МТ баһылыга Юрий Слепцов.
«Нам улууһа» МТ пресс-киинэ