«Куттала суох хаачыстыбалаах суоллар» нацбырайыак чэрчитинэн «Нам» айан суолун 99-118 км учаастагын бүтүннүү аспаалынан бүрүйдүлэр. Бу туһунан Ил Дархан Айсен Николаев «Инстаграмыгар» иһитиннэрдэ.
«Нам» айан суолунан Хатырыкка диэри суолу оҥоруу үлэтэ түмүктэннэ, айан-сырыы саҕаланна. Бу аныгы, туох баар ирдэбилгэ эппиэттиир суол буолла», — диэн Айсен Сергеевич суруйар. 2022 сылга диэри бу суол аспаалланыахтаах диэн соругу Ил Дархан Ил Түмэн судаарыстыбаннай мунньахха Анал этиитигэр иһитиннэрбитэ.
Эһиил Саха Автономиятын төрүттэспит Макисм Кирович Аммосов төрөөбүтэ 125 сылын бэлиэтиэхпит. Нам улууһун Хатырык сэлиэнньэтэ — Максим Аммосов төрөөбүт дойдута.
+1
+1
+1
+1
+1
+1
+1