Нам хапсаҕайдьыттара биир дойдулаахтарын үөртүлэр

Ааптар: 
Бөлөххө киир:

Ааспыт өрөбүлгэ Намҥа буолбут “Эҥсиэли хапсаҕайа” турнирга көбүөр хаһаайыттара түөрт кыһыл көмүс мэтээли ыллылар. Оттон хапсаҕай федерациятын бэрэсидьиэнэ Николай Румянцев бирииһигэр муҥутуур кыайыылааҕы быһаарар күрэскэ Кузьма Сивцев кыайыылаах тахсан олохтоохтор үөрүүлэрин өссө үрдэттэ. 

edersaas.ru

Чэпчэки ыйааһыҥҥа Өймөкөөн бөҕөһө Александр Жирков кыайыы көтөллөннө.

62 киилэҕэ диэри ыйааһыҥҥа түөрт уон киһи күүһүн холоммутуттан, түмүк хапсыһыыга Үөһээ Бүлүү маастара Сахамин Степанов биир дойдулааҕын Олег Федотовы бүдүрүттэ.

70 киилэлээхтэргэ Дьааҥыттан Алексей Эверстов өрөспүүбүлүкэ абсолютнай чөмпүйүөнүн Очиржап Очиржаповы охторон кыайыылаах таҕыста.

80 киилэҕэ диэри ыйааһыҥҥа Хаҥаластан Денис Сивцев бастаата.

90 киилэлээхтэргэ Игорь Софронеев бу да сырыыга күүстээх хапсаҕайдьыттары кыайталаан, ааспыт нэдиэлэҕэ “Хаҥалас хапсаҕайыгар” ситиспит ситиһиитин хатылаата.

Ыарахан ыйааһыҥҥа Нам бөҕөстөрө Василий Кутуков, Сергей Семенов уонна Василий Винокуров үс бастакы миэстэни бэйэлэрин ыккардыларыгар үллэһиннилэр.

Хапсаҕай федерациятын бэрэсидьиэнэ Николай Румянцев бирииһигэр муҥутуур кыайыылааҕы быһаарар күрэскэ Кузьма Сивцев тэҥнээҕин булбата. Пьедестал үрдүкү үктэлин дабайарыгар Нам хапсаҕайдьыта Ариан Гоголевы, Александр Халыевы, Василий Винокуровы уонна түмүк хапсыһыыга Сергей Семеновы бүдүрүтэлээн, 70 000 солкуобайынан биһирэннэ.

“Эҥсиэли хапсаҕайа” турнир кыайыылаахтара уонна призердара

Олунньу 9-10 күннэрэ, Нам сэлиэнньэтэ.

Бэтэрээннэргэ

60 кг: 1. Александр Протопопов (Нам), 2. Дмитрий Винокуров (Мэҥэ Хаҥалас), 3. Александр Оросин (Дьокуускай)

70 кг: 1. Николай Иванов (Таатта), 2. Иван Барбасытов (Таатта), 3. Иван Борисов (Кэбээйи)

80 кг: 1. Алексей Соловьев (Дьокуускай), 2. Егор Данилов (Кэбээйи) 3. Егор Сутаков (Амма)

90 кг: 1. Алексей Некрасов (Дьокуускай), 2. Василий Бурмистров (Таатта), 3. Анатолий Павлов (Нам)

90 кг үөһэ: 1. Александр Румин (Нам), 2. Николай Устинов (Амма), 3. Валерий Егоров (Кэбээйи)

Эр дьоҥҥо

55 кг: 1. Александр Жирков (Өймөкөөн), 2. Кирилл Саввин (Нам), 3. Вячеслав Данилов (Нам)

62 кг: 1. Сахамин Степанов (Үөһээ Бүлүү), 2. Олег Федотов (Үөһээ Бүлүү), 3. Петр Максимов (Нам)

70 кг: 1. Алексей Эверстов (Дьааҥы), 2. Очиржап Очиржапов (Хаҥалас), 3. Айаал Охлопков (Нам)

80 кг: 1. Денис Сивцев (Хаҥалас), 2. Александр Семейщиков (Өймөкөөн), 3. Давыд Колесов (Таатта)

90 кг: 1. Игорь Софронеев (Нам), 2. Платон Саввинов (Үөһээ Бүлүү), 3. Александр Халыев (Таатта)

90 кг үөһэ: 1. Василий Кутуков (Нам), 2. Сергей Семенов (Нам), 3. Василий Винокуров (Нам).

Роман Попов, edersaas.ru

Хаартыска Интэриниэттэн ылылынна.

+1
0
+1
0
+1
0
+1
0
+1
0
+1
0
+1
0