Бэҕэһээ, сэтинньи 30 күнүгэр, Нам дьаһалтатын аактабай саалатыгар улуус баһылыга Юрий Слепцов ведомственнай наҕараадалары туттарда.
⠀
edersaas.ru
Үөрэх эйгэтигэр үгүс үтүөтүн, өрөспүүбүлүкэ социальнай-экономическай сайдыытыгар кылаатын уонна үтүө суобастаах уһун үлэтин иһин И.Е. Винокуров аатынан Хатыҥ Арыы орто оскуолатын директора Дмитрий Ноговицын уонна өрөспүүбүлүкэ социальнай-экономическай сайдыытыгар кылаатын, үтүө суобастаах уһун үлэтин иһин маассабай информация тарҕатыы эйгэтин ветерана Иннокентий Иванов СӨ Ил Дарханын грамоларын туттулар.
⠀
Өрөспүүбүлүкэ социальнай-экономическай сайдыытыгар кылаатын иһин Партизан нэһилиэгин баһылыгын солбуйааччы Полина Скрябина СӨ Бырабыыталыстыбатын бэрэссэдээтэлэ Андрей Тарасенко грамотатын тутта.
⠀
Үтүө суобастаах үлэтин, өрөспүүбүлүкэҕэ дьиэ кэргэн политикатын сайдыытыгар тус кылаатын иһин улуустааҕы дьиэ кэргэн уонна ыччат отделын управлениетын кылаабынай специалиһа Лидия Еремеева «Дьиэ кэргэн политикатын сайдыытыгар кылаатын иһин» анал бэлиэ хаһаайкатынан буолла уонна көхтөөх общественнай үлэтин, дьиэ кэргэн уонна демографическай политика сайдыытыгар суолталаах кылаатын уонна дьиэ кэрэн сыаннастарын киэҥ эйгэҕэ тарҕатарын иһин Дьахталлар тэрилтэлэрин сойууһуттан Бочуотунай грамота тутта.
⠀
Наҕараадаламмыт дьоммутун истиҥник эҕэрдэлиибит, ситиһиилэри баҕарабыт.
⠀
«Нам улууһа» МТ пресс-сулууспата