СӨ Култуура уонна духуобунай сайдыы миниистирин бастакы солбуйааччы Владислав Левочкин Намҥа «Култуура» национальнай бырайыак чэрчитинэн аһыллыбыт модельнай бибилэтиэкэҕэ сырытта.
Бу туһунан тустаах министиэристибэ пресс-сулууспата иһитиннэрдэ.
Бастакы Хомустаах нэһилиэгин күнүнэн «Эйгэ» бибилэтиэкэ кэлэктиибэ Владислав Левочкины уонна Нам улууһун баһылыгын Юрий Слепцовы кытары көрүстэ. Бибилэтиэкэ «Култуура» национальнай бырайыак иитинэн саҥа тэрилинэн хааччылынна уонна улууска тыа сирин модельнай бибилэтиэкэтинэн буолла.
«Саха сиригэр ааспыт сылга тэриллибит атын модельнай бибилэтиэкэлэргэ хааччахтыыр миэрэлэртэн сылтаан өссө да тиийбэккэ сылдьабыт. Саҥардан оҥоруу сүрүннээн нэһилиэк, улуус дьаһалтата, бэдэрээччиттэр уонна бибилэтиэкэрдэр табан үлэлээһиннэринэн олоххо киллэриллэр. Олохтоох урбаанньыттар өйөбүлү оҥороллор, сэлиэнньэ олохтоохторо субуотунньуктарга көхтөөхтүк кытталлар, туох кыалларынан көмөлөһөллөр», — диэн бэлиэтиир Владислав Левочкин.
+1
+1
+1
+1
+1
+1
+1