Нам улууһугар сүөһү ахсаанын элбэтии үлэтэ былааннаахтык ыытыллар, ол биир көрүҥүнэн ынах сүөһүнү улуус, өрөспүүбүлүкэ тас өттүттэн аҕалыы буолар.
edersaas.ru.
Билиҥҥи туругунан, бас билии көрүҥүттэн тутулуга суох, улуус үрдүнэн 13 196 ынах сүөһү, ол иһигэр 4 280 ыанар ынах баар.
Хамаҕатта нэһилиэгин «Сэргэ» бааһынай хаһаайыстыба салайааччыта Владимир Герасимов «Арассыыйа Федерациятын эрэгийиэннэриттэн тыа хаһаайыстыбатын племенной сүөһүлэрин ылыы» бырагырааманан, Смоленскай уобалас племенной хаһаайыстыбатыттан 2018 сыллаах төрүөх, 40 симменталь боруода, уулаах тыһаҕастары атыылаһан,аҕалла. Сүөһүлэр 13 күн айаннаан этэҥҥэ кэллилэр. Туруктара үчүгэй. Улууска тыа хаһаайыстыбата сайдарыгар, сүөһү ахсаана элбииригэр, бу улахан хардыы буолара саарбаҕа суох диэн улуус дьаһалтатын пресс-сулууспата иһитиннэрэр.
Раиса Сибирякова, «Саха сирэ» edersaas.ru.