Маны аах

НАМҤА «ОҔОЛОРГО ҮӨРҮҮНҮ БЭЛЭХТИЭХ» ҮТҮӨ САНАА ААХСЫЙА

Нам улууһун баһылыга Юрий Слепцов, тэрилтэлэр, депутаттар, биирдиилээн амарах санаалаах дьон уонна нэһилиэктэр баһылыктара  «Оҕоҕо үөрүүнү бэлэхтээ» үтүө аахсыйаны өйөөннөр, элбэх оҕолоох ыалларга, доруобуйаларынан хааччахтаах оҕолорго, соҕотох аҕаларга бэлэх  тарҕатылынна.

Үтүө санаа аахсыйата дьиэ кэргэн уонна ыччат политикатын отдела, улуустааҕы дьахталлар сэбиэттэрэ, аҕалар түмсүүлэрэ былааннаан үлэни ыыттыллар, спонсордары кытта үлэлэстилэр. Аахсыйа
сыала-соруга саҥа үүммүт сылынан оҕолорго соһуччу үөрүүнү, санааны көтөҕүү, болҕомтону ууруу буолар.
«Оҕолор да, улахан да дьон наһаа үөрдүлэр, махтал тылларын эттилэр. Улуус баһылыга Юрий Иннокентьевич сылын аайы элбэх оҕолоох ыалларга сүүсчэкэ бородуукта наборун оҥорор. «Тэрилтэлэр, депутаттар, түмсүүлэр, дьиэ кэргэттэр оҕолорго бэлэх оҥорон дьоҥҥо-сэргэҕэ соһуччу үөрүүнү бэлэхтээтибит», – диэн үөрүүтүн, үллэһиннэ улуус баһылыгын социальнай боппуруоска солбуйааччы Мария Игнатьева.

Хамсааһыны өйөөбүт тэрилтэ салайааччыларыгар, депутаттарга, нэһилиэк баһылыктарыгар, биирдиилээн дьоҥҥо махталбытын биллэрэбит. Инникитин да маннык үтүө санаа тэрээһиннэрэ үксүү турдуннар.

«Нам улууһа» МТ дьиэ кэргэн уонна ыччат отделын управлениета

0
0
Telegram @edersaas20