Бүгүн Нам улууһугар С.В. Гоголев аатынан Дьокуускайдааҕы педагогическай колледж базатыгар педагогическай вакансиялар республикатааҕы дьаарбаҥкалара үлэтин саҕалаата.
Нам улууһун 11 оскуолата 22 вакансияҕа үлэҕэ ыларын сайаапкалыыр. Ол курдук бу үөрэх дьылыгар улуус оскуолалара физика, английскай тыл, музыка, информатика, физкультура, история, обществознание, нуучча, саха тылларын, математика учууталларыгар наадыйаллар. Ону сэргэ психолог уонна педагог-организатор миэстэлэрэ аһаҕастар.
Тэрээһиҥҥэ I Хомустаах, Никольскай, Салбаҥ, Арбын, Хатырык оскуолаларын директордара кыттыыны ылаллар.
Бу күн миэстэтигэр бэсиэдэлэһии уонна дуогабардарга илии баттааһын тэриллэр.
«Нам улууһа» МТ пресс-сулууспата
+1
+1
+1
+1
+1
+1
+1