Намҥа улуустааҕы Аҕалар уонна Дьахталлар сэбиэттэрэ бииргэ түмсэн сааһы уруйдуу көрүстүлэр.
Елена ПОТОЦКАЯ, «Саха сирэ» хаһыат, https://edersaas.ru
Ааспыт сыллааҕы үлэ түмүгүн бэлиэтиир, үүммүт сылга саҥа үлэ былаанын торумнуур дьоро күн бэрт уратытык ааста.
— «Сааскы баал» диэн бальнай үҥкүү күрэҕэр улуус бары нэһилиэктэрин аҕаларын сүбэлэрэ уонна дьахталлар сэбиэттэрэ түмсэн, үҥкүү нөҥүө «кэпсэттилэр». Барыларыттан чорбойон, 1-кы Хомустаах күүстээх хамаандата бастаан таҕыста. Бу дьоро киэһэ бастыҥ уопсастыбанньыктары чиэстээтилэр. Намнар уопсастыбаннай үлэ сонун көрүҥүн ыытан, атыттарга холобур көрдөрдүлэр,— диэн санаатын үллэстэр СӨ Дьахталлар тэрилтэлэрин Сойууһун салайааччыта Анжелика Андреева.
Бу маннык дьикти уонна сырдык тэрээһин кэлэн иһэр Аан дойду дьахталларын күнүн уонна муус устар ый саҕаланыытыгар буолуохтаах Аҕалар II сийиэстэрин көрсө ыытылынна.
Елена ПОТОЦКАЯ, «Саха сирэ» хаһыат, https://edersaas.ru