Бу күннэргэ Намҥа улуустааҕы дьахталлар сэбиэттэрин актыбыыстара балыыһаҕа коронавирус сыстыганнаах дьаҥын утары охсуһа сылдьар эмчиттэргэ аһынан-үөлүнэн көмө оҥордулар.
edersaas.ru
Эмчиттэр симиэнэнэн үлэлииллэр. Ас-үөл илдьэ иһэр дьону ыраахтан көрөөт, эмчиттэр түннүгүнэн эҕэрдэлэһэн, махталларын биллэрдилэр.
— Дьоммут, биллэн турар, сылайбыттара түннүк да нөҥүө буоллар, биллэр. Биһиги минньигэс аһы: бичиэнньэни, кэмпиэти, кофены, үүтү, чэйи кытта оҕуруот аһын уонна фруктаны илдьэн биэрдибит. Ханна да тахсыбат, кэлбэт-барбат дьон биһиги кинилэргэ өйөбүлбүтүн биллиннэр диэн аһымал аахсыйаны тэрийдибит, — диэн кэпсиир улуустааҕы дьахталлар сэбиэттэрин салайар Ирина Находкина.
Ити курдук, бүгүҥҥү күҥҥэ саамай тыҥааһыннаах балаһыанньаҕа үлэлии сылдьар Нам улууһун эмчиттэригэр биир дойдулаахтара өйөбүл оҥорон, санааларын бөҕөргөттүлэр.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1