Ольга Балабкина: «Өрөбүллэргэ Дьокуускайга дезинфекция үлэтэ хатыланыаҕа»

Бөлөххө киир:

Бүгүн, бэс ыйын 5 күнүгэр, СӨ бырабыыталыстыбатын бэрэссэдээтэлин солбуйааччы Ольга Балабкина суруналыыстары кытта брифинг ыытта.

Ольга Валерьевна маннык иһитиннэрдэ:

— Балаһыанньа билигин даҕаны уустук. Ыалдьыбыт дьон ахсаана элбээн иһэр, дьаҥ тарҕаныаҕыттан 2380 киһи ыарыйда. Ааспыт сууккаҕа 72, онтон Дьокуускайга 64 киһи ыарыыга сутуллубута быһаарылынна.  

Нам Салбаҥҥа ыалдьыбыт дьон үтүөрэн эрэр. 

Уопсайынан, дьаҥ туруоҕуттан барыта 1137 киһи үтүөрдэ, оттон бэҕэһээ оруобуна 100 киһи үтүөрбүтэ бэлиэтэннэ.

Дьокуускайга өрөбүллэргэ дезинфекция үлэтэ эмиэ хатыланыаҕа.

Хатаска 50-тан тахса киһи ыалдьыбыта. Манна Урбаан министиэристибэтэ рейдэ ыыппыта, уулуссаҕа мээнэ сылдьар дьон суоҕун кэриэтэ, маҕаһыыннарга мааска, бэрчээккэ кэтии эрэсиимэ булгуччу ирдэнэр эбит.

Аны Жатайга эмиэ ыарыы түбэлтэлэрэ бэлиэтэннилэр, «корпоративнай» сутуллууну кытта уулуссаҕа мээнэ сылдьар дьон (БОМЖ) ыалдьыбыт.

edersaas.ru

+1
0
+1
0
+1
0
+1
0
+1
0
+1
0
+1
0