Уопсастыба

Нам улууһугар аһымал аахсыйаҕа дьон кыттыыта көхтөөх

Бу күннэргэ Нам улууһун олохтоохторо «Үтүө санаа» аһымал аахсыйаҕа кыттыһан, биир дойдулаахтарыгар ким туох кыахтааҕынан көмөлөһөллөр.

edersaas.ru

Нам улууһун дьаһалтатын пресс-киинэ иһитиннэрбитинэн, Партизан нэһилиэгиттэн төрүттээх урбаанньыт Илья Соловьев «биир дойдулаахтарбар көмө» диэн 100 устуука медицинскэй мааска аҕалан, улуус баһылыгар Юрий Слепцовка туттарда.

Табаарыстарым бары көмөлөһөр кэмнэригэр, тоҕо мин туора туруохпунуй? Биир дойдулаахтарбар төһө кыалларынан көмөлөһө сатыам, — диэн Илья Павлович санаатын үллэстэр.

Оттон улуустааҕы култуура управлениетын кэлэктиибэ Романовтар элбэх оҕолоох дьиэ кэргэҥҥэ бородууктанан көмөлөстө.

Ити курдук,  сыстыганнаах ыарыы өрө турбут кэмигэр бэтэрээннэргэ, элбэх  оҕолоох ыалларга, улуустааҕы балыыһа кэлэктиибигэр, өйөбүлгэ наадыйар саастаах дьоҥҥо анаан тэриллибит «Үтүө санаа» аһымал аахсыйаҕа Нам улууһун олохтоохторо көхтөөхтүк кытталлар.

 

Елена ПОТОЦКАЯ, «Саха сирэ» хаһыат, edersaas.ru

Хаартыска — Нам улууһун дьаһалтатын пресс-киинэ.

2
0

Добавить комментарий