Нам улууһун бары нэһилиэктэрин дьахталларын сэбиэтэ, Хатыҥ Арыытааҕы бэтэрээн сэбиэтэ, «Матери России», «Подруги-Дьүөгэлэр», «Хардыы», «Бизнес Леди», «Добро в руках», «Барахсаана», «Автоледи», «Тупсууна», «Оһуохай» уопсастыбаннай түмсүүлэр, киин балыыһа акушерскай салаата, Илья Винокуров аатынан Намнааҕы педагогическай кэллиэс, Намнааҕы тиэхиньикум, улуус оскуолалара, уһуйааннара, култуура тэрилтэлэрэ мэдиссиинискэй мааска тигэн, кырдьаҕастар дьиэлэригэр, элбэх оҕолоох ыалга, тыыл, үлэ бэтэрээннэригэр түҥэттилэр.
Бүгүҥҥү күн туругунан, барыта 12 тыһыынча 780 мааска тигиллэн, тустаах тэрилтэлэргэ тиксэрилиннэ.
Улуус култуура салаатын үлэһиттэрэ биллэр иистэнньэҥ Маргарита Чеснокова быспыт лекалатынан, мэдиссиинэ халааттарын уонна анал көстүүмнэри тигэн, Намҥа тэриллибит обсерваторга туттардылар.
Ньургуйаана Иванова, “Саха сирэ” хаһыат, edersaas.ru
Хаартыскалар — Нам улууһун дьаһалтатын пресс-кииниттэн.
+1
+1
+1
+1
+1
+1
+1