Нам улууһун Кириэс-Кытыл сэлиэнньэтигэр икки кыбартыыралаах дьиэ умайда, биэс киһи тыына быһынна. Өрөспүүбүлүкэ Ил Дархана Айсен Николаев кутурҕанын биллэрэр.
«Бүгүн сарсыарда өрөспүүбүлүкэ олохтоохторо Нам улууһугар дьиэ умайбытын, онно биэс киһи, ол иһигэр түөрт оҕо өлбүтүн туһунан ыар сонуну иһиттибит. Бу — дьиэ кэргэҥҥэ, барыбытыгар улахан алдьархай. Бу дьон аймахтарыгар, чугас дьонугар дириҥ кутурҕаммын биллэрэбин, бүтүн өрөспүүбүлүкэ эһиги аһыыгытын үллэстэр.
Хас биирдиибит баһаартан, уоттан сэрэхтээх буолуохха», — диэн Ил Дархан Айсен Николаев «Инстаграмыгар» суруйда.
Бүгүн сарсыарда өрөспүүбүлүкэ Ыксаллаах быһыыга-майгыга кэмитиэтэ суһал мунньаҕы ыытан, иэдээҥҥэ түбэспит ыалга психологическай уонна материальнай көмө оҥорор туһунан быһаарыныыны ылынна.
Ил Дархан уонна бырабыыталыстыбат пресс-сулууспата.
+1
+1
+1
+1
+1
+1
+1