Халыматааҕы көрдүүр-быыһыыр этэрээт быыһааччылара ойуур баһаарыттан булчуту быыһаатылар.
Орто Халыма улууһун Налимскай нэһилиэгин аттыгар бэйэтин бултуур сириттэн эр киһи көһүннэ. СӨ Быыһыыр сулууспатын Халыматааҕы көрдүүр уонна быыһыыр этэрээтэ «Полярные авиалинии» авиахампаанньа Ми-8 бөртөлүөтүнэн ойуур баһаарын көрө-үөрэтэ сылдьан, баһаартан 300 м учаастакка булчут дьиэтиттэн ыттаах хаһаайыны булбуттара. Суһал дьаһалы ыла охсуу түмүгэр булчуту ытын кытта Налимскайга аҕаллылар. Эр киһи туруга үчүгэй, көмөҕө наадыйбат.
Бу туһунан СӨ Хааччыйыыга судаарыстыбаннай кэмитиэтин пресс-сулууспата иһитиннэрэр.
Елена ПОТОЦКАЯ, «Саха сирэ» хаһыат.
+1
+1
+1
+1
+1
+1
+1