Кулун тутар 14 күнүгэр Дьокуускайтан биэс экстремал-хайыһардьыт Улуу Кыайыы 75, Ийэ дойдуга бэриниилээх буолуу, Булуҥ улууһа төрүттэммитэ 90 үбүлүөйдээх сылларыгар анаммыт Дьокуускай-Дьааҥы-Тиксии хайысханан хайыһарынан айаҥҥа туруммуттара. Кинилэр бэҕэһээ Булуҥ улууһун Найбатыгар тиийдилэр.
edersaas.ru
Бу туһунан экспэдииссийэ салайааччыта Валерий Самойлов ыраах айаҥҥа турунар айанньыттар тэрээһиннэрин кэмитиэтин бэрэссэдээтэлигэр, Ил Түмэн бэрэссэдээтэлин бастакы солбуйааччыта Александр Жирковка төлөпүөнүнэн иһитиннэрдэ.
Найба — айанньыттар бүтэһик тохтобуллара. Александр Николаевич хорсун-хоодуот экстремал-спортсменнарга ыам ыйын 9 күнүгэр Тиксиигэ этэҥҥэ тиийэн, айаннарын чиэстээхтик түмүктүүллэригэр баҕарда. Хара-Уулаах нэһилиэгин баһылыга Василий Баланов айанньыттары көрсөн, бөлөх сынньанарыгар усулуобуйа тэрийдэ.
Хайыһардьыттар Тиксиигэ дылы 150 км айанныахтара.
Елена ПОТОЦКАЯ, «Саха сирэ» хаһыат, edersaas.ru
Хаартыска — Ил Түмэн саайтыттан.
+1
+1
+1
+1
+1
+1
+1