Найахылар “Биир ньыгыл Арассыыйа” хандьыдаатыгар 92,90% куоластаатылар

Уус Алдан улууһун Найахы нэһилиэгэр бэҕэһээ, ахсынньы 12 күнүгэр, баһылык быыбара ыытыллыбыта. Баһылык эбээһинэһин толоро олорор, “Биир ньыгыл Арассыыйа” баартыйаттан турбут Петр Слепцов быыбарга эрэллээхтик кыайда.

Киниэхэ олохтоохтор 92,90% куоластарын биэрэн, үлэлии олорор баһылыктарыгар итэҕэйэллэрин, эрэнэллэрин көрдөрдүлэр. Быыбарга бэйэлэрин баҕа өттүлэринэн кандидатураларын туруоруммут Алексей Протопопов уонна Наина Спиридонова 6,17%, 0,93% үллэһиннилэр.

Петр Анатольевич М.К.Аммосов аатынан Хотугулуу-илиҥҥи федеральнай университеты үөрэнэн бүтэрбитэ. Найахы нэһилиэгин баһылыгын эбээһинэһин толорооччунан үлэлии олорбута.

Аграфена КУЗЬМИНА