Аҕа дойду сэриитин буойунун Иван Сивцев буор кутун кистээтилэр

Ааптар: 
Бөлөххө киир:

Уус Алдан улууһун Найахы нэһилиэгин Балыктааҕар ыам ыйын 7 күнүгэр Аҕа дойду Улуу сэриитин Курскай дуга кыргыһыытыгар охтубут буойун Иван Сивцевы дойдутугар көмтүлэр.

Саллаат кырамтатын былырыын сэтинньигэ «Застава Святого Ильи Муромца» диэн байыаннай-патриотическай пуонда чилиэннэрэ булбуттара.  Буойун хантан сылдьарын байыаннай киниискэтин сорҕотуттан уонна саллаат медальонуттан билбиттэр. Аймахтарыгар поисковай этэрээт хамандыыра Андрей Фетисов бэйэтэ биллэрбит. Байыаннай комиссариат уонна СӨ Бастайааннай бэрэстиибэлистибэтэ саха буойунун буор кутун дойдутугар аҕаларга көмөлөспүттэр.

Саллаат Иван Сивцев уҥуоҕа буойун көмүллүбүт сирэ диэн туспа статустаах буолуоҕа. Бу туһунан култуурунай нэһилиэстибэни харыстыырга Департамент салайааччыта Николай Макаров траурнай митиҥҥэ бигэргэппит. Саха сиригэр итинник туспа статустаах 46 саллаат уҥуоҕа баар.

Кыргыһыы толоонугар охтубут саха хорсун буойунун буор кута 80-ча сыл кэнниттэн, төрөөбүт дойдутугар эргиллэн, ийэ буоругар нус-хас сытар буолбутунан, аймаҕа Борис Васильев, хос сиэнэ Анастасия Кривошапкина көмө-ама буолбут дьоҥҥо махтаннылар.

Найахыттан Аҕа дойдулары көмүскүү уоттаах сэриитигэр 136 боотурдар аттаммыттарыттан, 66 эргиллэн кэлбит.

СӨ Ил Дарханын уонна Бырабыыталыстыбатын Пресс-сулууспата

Уус Алдан администрациятын пресс-сулууспатын хаартыскалара

+1
0
+1
0
+1
0
+1
0
+1
0
+1
0
+1
0