Култуура Суолталаах

Надежда Зайкова: «Ырыа нөҥүө оҕоҕо дойдуга тапталы иҥэрэбит»

Бу нэдиэлэҕэ өрөспүүбүлүкэбитигэр “Розовая чайка” эдэр музыканнарга норуоттар икки ардыларынааҕы куонкурус түмүктэннэ. В.А.Босиков аатынан Музыка үрдүкү оскуолатын ректора Надежда Зайкова бэлиэтииринэн, быйыл куонкуруска хаһааҥҥытааҕар элбэх кыттааччы кэлбит.

“Розовая чайка” диэн норуоттар икки ардыларынааҕы куонкуруска барыта 1300-тэн тахса киһи кытынна. Быйыл кыттааччы ахсаана элбэх, холобур, былырыын 400-чэкэ оҕо кыттыбыта. Манна оҕо ансаамбыллара, хордара, оркестрдара кытталлар. Ол иһин сылын аайы кыттааччы ахсаана элбээн иһэр. Бу куонкурус “Музыка барыбытыгар” бырайыак чэрчитинэн ыытыллар. Биһиги бастакы бэрэсидьиэммит Михаил николаев 2013 сыллаахха көҕүлээн саҕалаабыта. Хас биирдии кэнсиэрбитигэр көрөөччү да элбэх этэ. Быйылгы куонкуруска кыттааччылар саха композитордарын ырыатын үгүстэрин толордулар. Ити олус кэрэхсэбиллээх.

Мин санаабар, оҕоҕо кыра эрдэҕиттэн кэрэни кэрэхсииргэ үөрэттэххэ, төрөппүккэ, аҕа көлүөнэҕэ, бэйэ култууратыгар, тылыгар-өһүгэр, историятыгар убаастабылы иҥэрдэххэ, биһиги кэнчээри ыччаппыт дойдутугар бэриниилээх буола улаатыа этэ. Манна даҕатан эттэххэ, Ил Дархан Айсен Николаев тэрийиитинэн төрөппүттэр улахан мунньахтара буолан ааста. Манна эмиэ сүрдээх элбэх киһи кытынна, – диэн бэлиэтиир Надежда Михайловна.

Аграфена КУЗЬМИНА

2
0
Telegram @edersaas20