Надежда Мохначевская Ыччат миниистирин солбуйааччынан ананна
Надежда Вячеславовна Мохначевская СӨ Ыччат дьыалаларыгар уонна социальнай коммуникацияларга миниистири солбуйааччынан ананна.
Бу туһунан Ил Дархан Айсен Николаев «Телеграмҥа» иһитиннэрдэ.
Бу иннинэ Надежда Вячеславовна Саха Өрөспүүбүлүкэтин Уопсастыбаннай палаататын аппараатын салайааччытынан үлэлээбитэ.
Ыспыраапка:
Надежда Вячеславовна 1983 сыллаахха Бүлүүгэ төрөөбүтэ.
2003 сыллаахха Дьокуускайдааҕы үп-экэниэмикэ кэллиэһин, 2007 сыллаахха Хабаровскайдааҕы экэниэмикэ уонна быраап академиятын бүтэрбитэ.
2003-2012 сылларга Үп министиэристибэтигэр Дьокуускай куораттааҕы үп-хааһына управлениетыгар үлэлээбитэ.
2012-2013 сылларга Үөрэх министиэристибэтигэр үлэлээбитэ.
2013-2019 сылларга Ыччат министиэристибэтигэр үп отделын салайбыта.
2019-2021 сылларга СӨ Ыччат дьыалаларыгар уонна социальнай коммуникацияларга миниистири гражданскай уопсастыба институттарын сайыннарыыга уонна быраабы кэһии профилактикатын бырагырааматын боппуруостарыгар солбуйааччынан үлэлээбитэ.
2021 сылтан Саха Өрөспүүбүлүкэтин Уопсастыбаннай палаататын аппараатын салайааччытынан үлэлээбитэ.