Надежда Мохначевская СӨ Уопсастыбаннай палаататын аппараатын салайааччытынан ананна
Надежда Вячеславовна Мохначевская Саха Өрөспүүбүлүкэтин Уопсастыбаннай палаататын аппараатын салайааччытын дуоһунаһыгар ананна.
Бу туһунан Ил Дархан Айсен Николаев Телеграм-ханаалыгар иһитиннэрдэ.
Ыспыраапка:
Надежда Вячеславовна 1983 сыллаахха Бүлүүгэ төрөөбүтэ.
2003 сыллаахха Дьокуускайдааҕы үп-экэниэмикэ кэллиэһин, 2007 сыллаахха Хабаровскайдааҕы экэниэмикэ уонна быраап академиятын бүтэрбитэ.
2003-2012 сылларга Үп министиэристибэтигэр Дьокуускай куораттааҕы үп-хааһына управлениетыгар үлэлээбитэ.
2012-2013 сылларга Үөрэх министиэристибэтигэр үлэлээбитэ.
2013-2019 сылларга Ыччат министиэристибэтигэр үп отделын салайбыта.
2019 сылтан — СӨ Ыччат дьыалаларыгар уонна социальнай коммуникацияларга миниистири гражданскай уопсастыба институттарын сайыннарыыга уонна быраабы кэһии профилактикатын бырагырааматын боппуруостарыгар солбуйааччынан үлэлээбитэ.