Надежда Гоголева биир ый иһигэр икки улахан күрэхтэһиигэ ситиһиилээхтик кытынна

Балаҕан ыйын 22 күнүгэр Владивостокка ыытыллыбыт «Мосты Владивостока» Galaxy Vladivostok Marathon күрэхтэһиигэ 20-чэ дойдуттан 3500 быһый түөрт дистанцияҕа күрэс былдьаста.

Манна классическай марафоҥҥа — 42 килэмиэтир 195 миэтэрэҕэ – сүүрүүгэ биир дойдулаахпыт Надежда Гоголева дьахталларга иккис көрдөрүүлэнэн, үрүҥ көмүс мэтээлинэн, 90 тыһыынча солкуобай харчынан бирииһинэн биһирэннэ.

Икки нэдиэлэ анараа өттүгэр Нам быһыйа Санкт-Петербурга ыытыллыбыт уон көскө сүүрүүгэ Арассаайа чөмпүйэнээтин  кыайыылааҕынан буолбута. Онно 7 чаас 44 мүнүүтэ 50 сөкүүндэ көрдөрүүлэнэн, норуоттар икки ардыларынааҕы кылаастаах спорт маастарын нуорматын толорбута.

Роман Попов, edersaas.ru

Хаартыска Интэриниэттэн ылылынна